Manarak hampikman rishpaka kay katik tapuykunatami kutichi.

Kaypi tiyak yuyaykunaka yachankapakllami kan. Kayta yachashka jawaka, hampikkunapakman rinallami kanki. Kayta yachashpapash mana yuyanachu kanki hampikkuna shinami ña tukuyta alli yachani nishpa. Kaymanta tapuykunata charishpaka, kanpak hampikta tapunallami kanki.

Manarak hampikman rishpaka kay katik tapuykunatami kutichi.

Hampikwan parlankapakka puntapi tukui pai ministishkatami charina kanki. Kay katik tapuykunapi yuyay. Kanpak kutichishkakunaka shuk p’ankapi killkayta ushanki.

Nanaykuna (1)

· ¿Ima horatak nanayka kallarirka?

· ¿Pacha yallishpaka imatak ashtawan tukushka?

· ¿Nanayka imakunawantak allichin, mana kashpaka imawantak ashtawan nanachin?

· ¿Nanayta charishpaka imakunallatak mana ruray ushanki?

Hampikuna (2)

· Hampipak shuti (ingredientekuna nishkkatapash, pikuna rurashkatapash)

· Imapaktak upiyakunki

· Pitak chayta upiyachun mandarka

· Ima punllamanta chayta upiyakunki

· Mashnatak upiyanki, punllapi mashna kutinkamapash upiyanki

Maykan hampikunata mana upiyay ushakpika shuk p’ankapi killkanami kanki. Shinallatak ima mikunakunata mana mikuy ushashkatapashmi yachana kanki. (2)

Shuktak hampik kushka hampikunatapashmi charina kanki. Ashtawanpash examenkuna nishkata, mana kashpaka tullu rikuchinkpak llukshishka shuyukuna (radiografia) nishkatapashmi charina kanki. (2)

Kanpak ayllukunamanta maykanpash shuktak unkuyta charishpaka hampikta willankapak yachanami kanki. (2)

Hampikwan ña parlakushpaka kay katik tapuykunatami rurai ushanki:

· ¿Kikin kushka hampikuna ñukata alliyachishkata o anchayashkata yachankapakka imatatak rurakrinki shinatak yachanki? (3)

· ¿Kay hampitaka mashna pachatatak upiyana, mana kashpaka churana kani? (3)

· ¿Kay hampita churashpaka shuktak nanaykunata charishachu? Shina kashpaka ¿ima punllakunatak kallary ushan, shina tukushpaka pitatak kayana kani? (3)

· ¿Kay hampita upiyashpapash shuktak nanaykuna mana charinkapakka imatatak rurana kani? (4)

· Hampita upiyashpa kipaka, ¿alliyachinkapakka imatatak ashtawan ruray ushani? ¿Kay hampita upiyakushpaka ima shuktak ruraykunatapash ruray ushani? (4)

· ¿Kay hampita upiyakushpaka ima laya mikuykunatatak mikuy ushani? (4)

· ¿Ñuka ña upiyashka hampikunata upiyashpa katinachu kani, mana kashpaka chaykunata sakinachu kani?

Kaymanta ashtawan yachankapak munashpa, hampikman manarak rishpa imakunallatak rurana kashkatapash yuyarinkapak munashpaka kaypi shuk pushak p’ankata surcui ushanki: