Kikinta rikusha hampikkwan ñawi, ñawi parlankapakka allimi allichinki.

Kaypi tiyak yuyaykunaka yachankapakllami kan. Kayta yachashka jawaka, hampikkunapakman rinallami kanki. Kayta yachashpapash mana yuyanachu kanki hampikkuna shinami ña tukuyta alli yachani nishpa. Kaymanta tapuykunata charishpaka, kanpak hampikta tapunallami kanki.

Kikinta rikusha hampikkwan ñawi, ñawi parlankapakka allimi allichinki.

Kikinta rikusha hampikkwanmi parlanaka valishkami kan. Kanpak hampikkwan parlashpaka payka kan hampinkapakka imakunallatakmi rurana kanki willanka. Hampikkwan manarak parlashpaka maikan tapuykunata kutichichun munashkatami puntapi alli yuyana kanki. Pandemiapi kashkamantami mana unkurichunka kayta rurana kanki:

· Ima pacha chayana kashkatami chayanki. Hampikkwan parlankapak manarak pacha chayakpi 15 hayrikuna illakpika chayay. Shina rurashpaka hampikkwan parlankapakka ashtawan pachatami charinki. (1)

· Tapuykunata charishpaka, shuk p’ankapi killkashpa apanki. Chay tapuykunamanta maikan utka kutichichun munashkatami puntapi killkanki. Shinami pachata illakpika kan killkashka tapuikunamanta iski o kimsalla kutichun pachata charinki. (1)

· Pandemiapi kashkamantami hampikman manarak rishpaka kanwan mashnapura ri ushashkataka tapuna kanki. (2,3)

· COVID-19 mana unkurinkapakka, hampi wasiman manarak rishpaka may pushtupi puri ushashkatapash, maypi shuyay ushashkatapashmi yachankapakka telefonota kayanki o internetpi maskanki. (2,3)

· Ministirishka laboratorio kushka p’ankakunatapash, tullu rikuchinkapak llukshishka shuyukunatapashmi (radiografia) hampikman kunkapakka apanki. Kanpak wasimanta llukshishpaka chaykunata mana kunkarinkapakka shuk rikunalla pushtupimi churanki.

· Kanta rikushka hampikpak ukuta maypi kashkataka allimi yachana kanki. Shinami hampi wasipak shuktak pushtukunapi yankamanta purishpa mana chinkarinki. Chashnallatak shuktak millay unkuykunatapash mana hapinkichu. (3)

· Hampikta maikan tapuikunata rurankapak munashkata shuk p’ankapi killkanaka allimi kan, chayta ima shina rurana yachankapakka “Hampikwan manarak parlanaman rishpaka imatatak rurana kani” nishkaka achkata yanapanka.

Kay yuyaykunata charinkapak munashpaka kaypi surkuy ushanki.