Shinapash kanpak hampikwan parlanami kanki. Payta imata mikuy ushashkata, imata upiyay ushashkata payta tapupanki.

Kaypi tiyak yuyaykunaka yachankapakllami kan. Kayta yachashka jawaka, hampikkunapakman rinallami kanki. Kayta yachashpapash mana yuyanachu kanki hampikkuna shinami ña tukuyta alli yachani nishpa. Kaymanta tapuykunata charishpaka, kanpak hampikta tapunallami kanki.

¿Millay unkuyta charishpaka shuktak llaktaman ri ushankichu?

Millay unkuyta charikkunamanta achkakunami shuktak llaktaman ri ushanlla. Shina kashpapash manarak rishpaka shuk hampikwan puntapi parlanami kanki. Shina rurashpaka mana anchayankimanchu. (1)

Shuktak llaktaman rinkapak munashpaka unkushka mana yallitak nanayta charishpami rina alli kanman. Chashna rurashpaka mana anchayankichu, shinallatak hampi wasiman apachun mana ministinkichu. Shinapash kanpak hampikmanmi mayman rinata willana kanki. Shinami payka shuk vacuna o shuktak hampita ministishkata willanka. (2,3)

Shinallatak ima hampikuna upiyashkata, ima hampikunata mana upiyai ushashkata, ima operacionta charishkatapash shuk p’ankapi killkashpa apanki. Chaypika may llaktaman rina shimipi, o inglés shimipimi killkanki. (2)

Ashtawanpash kaypi yuyay: wakin llaktakunapi achka bacteria nishkakuna tiyashkamantami killu kichata charinkichari. Kunuklla llaktakunaman rikkunaka 10 gentekunamanta 3 killu kichata charin. Chashna ana tukuchunka kayta ruray ushanki.

· Makita kutin kutinmi yakuwan, jabonwanpash mayllanki

· Chuya yakuta upiyay. Imatapash upiyashpaka rasuta mana churankichu.

· Murukunata, yuyukunatapash manarak mikushpaka alli mayllanki.

· Ñankunapi jatushka mikunata o waspitipash ama mikunki, ama upiyankichu.

· Wakrapak aychata, munchipak aychata, lulunkunatapash mikushpaka puntapi allitami yanunki.

· Manarak rishpaka internetpipash, chay llaktapi tiyak pushak p’ankakunapipash imata willashkatami rikunaka allimi kan.

Shinapash kanpak hampikwan parlanami kanki. Payta imata mikuy ushashkata, imata upiyay ushashkata payta tapupanki. Shinami kikin mana anchayachun payka kanta yanapanka. (3)